დაპირსპირება ია მეტრეველსა და გურამ დონაძეს შორის

თბილისის საქალაქო სასამართლოში, ბუტა რობაქიძის საქმეზე მიმდინარე სასამრთლო პროცესი დაპირისპირებისა და დაძაბულობის ფონზე მიმდინარეობს. კამათი ია მეტრეველსა და გურამ დინაძეს შორის მოხდა. ბუტა რობაქიძის დედის გაღიზიანება საქმეზე ერთ-ერთი ბრალდებულის, გურამ დონაძის შეკითხვამ გამოიწვია, რომელმაც მოწმეს ჰკითხა, რას გულისხმობდა, როდესაც აღნიშნა, რომ დარბაზში სხედან ადამიანები, რომლებმაც ცხოვრება გაუნადგურეს. "ქალბატონო ია, დაკითხვის დაწყებამდე თქვენ განაცხადეთ, რომ ოჯახი გაგინადგურდათ და აღარ გყავთ. თუ შეიძლება გვითხარით, რას ნიშნავს ეს". - მიმართა დონაძემ მეტრეველს, რომელმაც დონაძეს ნაძირალა და გარეწარი უწოდა. ამის შემდეგ გურამ დონაძის მისამართით შეძახილები ისმოდა სასამართლო სხდომის დამსწრე პირებისგან. ამ ფაქტს დარბაზში ხმაური მოჰყვა და მოსამართლემ 15 წუთიანი შესვენება გამოაცხადა.