ადვოკატები გიგი უგულავას გათავისუფლებას მოითხოვენ

თბილისის ყოფილ მერს გიგი უგულავას წინასწარი პატიმრობის ვადა ამოეწურა.

როგორც უგულავას ადვოკატი ბექა ბასილაია აცხადებს, უგულავას წინასწარი პატიმრობის 9-თვიანი ვადა გუშინ ამოეწურა. ადვოკატის განცხადებით, უგულავას პატიმრობაში დატოვება არის სისხლის სამართლის კოდექსით დასჯადი ქმედება.

დაცვის მხარემ საქალაქო სასამართლოს აღკვეთის ღონისძიების შეცვლის შუამდგომლობით დღეს მიმართა.