ნინო ბურჯანაძე : ყირიმი რუსეთის ტერიტორიაა!
"გაერთიანებული დემოკრატიული მოძრაობის" ლიდერი ნინო ბურჯანაძე რუსულ გამოცემა "კომსომოლსკაია პრავდასთან" აცხადებს, რომ ყირიმი რუსეთის ტერიტორიაა.
შეკითხვაზე, აღიარებდა თუ არა ის ყირიმს რუსეთის ტერიტორიად საქართველოს პრეზიდენტი რომ ყოფილიყო, ბურჯანაძე პასუხობს:
"ყირიმი რუსეთის ტერიტორიაა, მოსწონს თუ არა ეს ვინმეს. ეს შეუქცევადი პროცესია!". - ამბობს ინტერვიუში ბურჯანაძე.
სტატიის ავტორი, რომელიც ცდილობს გაიგოს, თუ "რატომ ეცოდებათ ქართველებს უკრაინელები", წერს, რომ ქართველებს უკრაინელები ეცოდებათ, რადგან არ უნდათ, იგივე გზა გაიარონ, რაც სააკაშვილის ხელში ქართველებმა გაიარეს.
