თბილისის მთავრობის სხდომას დაახლოებით, ერთი საათის განმავლობაში ესწრებოდა თბილისის საკრებულოს ფრაქცია "ნაციონალური მოძრაობის" თავმჯდომარე სევდია უგრეხელიძე.
როგორც მან სხდომიდან გამოსვლის შემდეგ განაცხადა, ბიუჯეტში ცვლილებებთან დკავშირებით, სრული ინფორმაცია ვერ მიიღო.
"დინამოს სტადიონის რეკონსტრუქციის სამუშაოები, რომელზედაც, უკვე ჯამში, 15 მილიონია დახარჯული, ხოლო ოლიმპიადაზე, წელს უკვე 76 მილიონამდე ავდივართ, ასე სწრაფად როგორ მოხდება მათი ოპტიმალური ხარჯვა და ხომ არ ექნება ადგილი კორუფციას, ხომ არ მოაკლდება ეს ყველაფერი ამ ღონისძიებების ჩატარების დონესა და ხარისხს. ინფრასტრუქტურა რომ თბილისში ასეთ მდგომარეობაშია, ამაზე მსჯელობა არ ყოფილა.
როგორც ჩანს, ისინი ამაზე დახურულ კარს მიღმა იმსჯელებენ, ვინაიდან, ბატონმა მერმა განაცხადა, რომ ისინი გადადიან თათბირის რეჟიმში, რაც ჩემთვის იყო ნიშანი, რომ უნდა დამეტოვებინა მთავრობის სხდომა", - განაცხადა უგრეხელიძემ.
