ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

სოსო ცინცაძე: „არსად მინახავს მაჟორიტარი, არჩევნების შემდეგ ხალხი რომ გახსენებოდა“

სოსო ცინცაძე: „არსად მინახავს მაჟორიტარი, არჩევნების  შემდეგ ხალხი რომ გახსენებოდა“

ხელისუფლება საარჩევნო კოდექსში ცვლილებების შეტანას გეგმავს.  საუბარია მაჟიორიტარულ ოლქებში ბარიერის 50%-მდე გაზრდაზე, ხოლო 2016 წლიდან საარჩევნო სისტემა მთლიანად პროპორციულზე გადავა. პოლიტოლოგი სოსო ცინცაძე აცხადებს, რომ აღნიშნული ცვლილება არსებულ მძიმე  ვითარებას ვერ გამოასწორებს.

„კოსმეტიკური ცვლილებაც კი არ არის ყოველივე ეს! ეს იმას გავს,  როცა ავთვისებიანი სიმსივნიდან  კვეთთ მის პატარა ნაწილს და დიდს  ტოვებთ. საქართველოში მაჟორიტარული სისტემა უთუოდ  უნდა გაუქმებულიყო, მაგრამ,  როგორც  ჩანს, საპარლამენტო  უმრვლესობის წევრებს  გაურიგდნენ  მაჟორიტარები.  ეს რა ცვლილებაა?  საქართველოში  ისევე უნდა გაუქმდეს  მაჟორიტარული  სისტემა,  როგორც  ნაფიც მსაჯულთა  სასამართლო, გუშუნდელი დღის შემდეგ. ( მაინც და მაინც,  კედელს ცხვირი უნდა გავარტყათ, სისხლი რომ წამოვიდეს?!)“-აცხადებს ცინცაძე. მისი მოსაზრებით, არც პროპორციული სისტემა არ არის იდეალური.

„ჩემს სიცოცხლეში ჯერ არსად მინახავს ამა თუ იმ რეგიონის   ერთგული მაჟორიტარი ( შეიძლება  ბუნებაში იყოს), არჩევნების  შემდეგ ხალხი რომ გახსენებოდა. დღეს ჩვენ გვყავს მაჟორიტარები,  რომლებიც საერთოდ არ ესწრებიან პარლამენტის  სხდომებს, ან  მიკროფონთან ერთხელაც  არ მიუსულან, როგორ იცავს ის თავისი რეგიონის  უფლებებს, არ არის საინტერესო? უფრო უარესი ის არის, რომ  მაჟორიტართა  80%  ბიზნესმენია, რომლებიც თავიანთი  ბიზნესის ლობირებით არიან დაკავებულნი,“-აცხადებს ცინცაძე.

 

ია ჯღარკავა

გააზიარე სტატია

საიტის კომენტარები (0)

Facebook კომენტარები: