ცხოველების დახოცვის ბრძანება გაცემული არ ყოფილა-ზოოპარკის დირექტორის პროტესტი
ცხოველების დახოცვასთან დაკავშირებით ზოოპარკის დირექტორს კითხვები აქვს, ამის შესახებ ზურაბ გურიელიძემ "კურიერთან" განაცხადა და არ გამორიცხა, რომ ზოგიერთი პირის მიერ არსებული ვითარების ბოროტად გამოყენება მომხდარიყო.
"იმ შემთხვევაში, თუ მტაცებელი თავს ესხმოდა ადამიანს, მაშინ მისი ლიკვიდაცია გასაგებია. მაგრამ ბევრი რაღაცეები გარკვევას მოითხოვს ამასთან დაკავშირებით. ზუსტად ვიცი, რომ ცხოველების დახოცვის ბრძანება გაცემული არ ყოფილა, უბრალოდ ზოგიერთმა პირმა არსებულ ვითარებაში ბოროტად ისარგებლა", - განაცხადა ზურაბ გურიელიძემ.
