დავით ნარმანია: ავტობუსების შესყიდვის თაობაზე კონკურსი მომავალ წელს გამოცხადდება
თბილისის მერის დავით ნარმანიას განცხადებით, ფინანსთა სამინისტრომ, მთავრობის მიერ მიღებული გადაწყვეტილების საფუძველზე, ფინანსური სახსრების გამოყოფასთან დაკავშირებით, EBRD-თან დაიწყო მოლაპარაკებები.
"საქართველოს ფინანსთა სამინისტრომ, მთავრობის მიერ მიღებული გადაწყვეტილების საფუძველზე, ტრანშის გამოყოფაზე EBRD-თან დაიწყო მოლაპარაკებები. ჩვენ, ჩვენის მხრივ, მათთან ტექნიკურ საკითხებზე ვმუშაობთ. მათ ჩაატარეს კვლევა თბილისის მუნიციპალური ტრანსპორტის სფეროში არსებულ მდგომარეობაზე, რაზე დაყრდნობითაც საკონკურსო წინადადებები მომზადდება. გამოცხადდება კონკურსი მომდევნო წლისთვის ავტობუსების შესყიდვის თაობაზე", - განაცხადა ნარმანიამ.
