რაში დაადანაშაულა აშშ-ს დეპარტამენტმა რუსეთი?
BBC-ის ცნობით, აშშ-ის სახელმწიფო დეპარტამენტმა რუსეთი სირიის ოპოზიციაზე იერიშების მიტანაში დაადანაშაულა.
უწყების ოფიციალური წარმომადგენლის ჯონ კირბის განცხადებით, რუსული ავიაციის ავიადარტყმების მხოლოდ 10%-ზე ნაკლები იყო მიმართული "ისლამური სახელმწიფოსა" და "ალ-ქაიდას" წინააღმდეგ.
"სირიაში რუსული ავიადარტყმების 90%-ზე მეტი მიმართული არ იყო ტერორისტული დაჯგუფება "ისლამური სახელმწიფოსა" და "ალ-ქაიდას" წინააღმდეგ. უმეტესწილად, ბომბავდნენ ოპოზიციურ ჯგუფებს, რომლებსაც სირიისთვის უკეთესი მომავალი სურთ და არ უნდათ, რომ ასადის რეჟიმი ხელისუფლებაში დარჩეს", - განაცხადა ჯონ კირბიმ.
