ძლიერი წვიმის შედეგად მეწყრული პროცესები ქედის მუნიციპალიტეტშიც განვითარდა
ძლიერი წვიმის შედეგად მეწყრული პროცესები ქედის მუნიციპალიტეტშიც განვითარდა. გამგეობის მონაცემებით, დამეწყრილია მუნიციპალიტეტის შვიდი ადგილი, მათ შორის ბათუმი-ახალციხის ცენტრალური მაგისტრალი.
"დანდალო-ტაკიძეების სოფლის სამანქანე გზა გადაკეტა მეწყერმა. ამ დროისათვის მიმდინარეობს გზის გაწმენდა. სოფელ ოქტომბრის დროებითი სახიდე გადასასვლელი მილი დაფარულია წყლით და მოძრაობა შეუძლებელია. ბათუმი-ახალციხის სამანქანე გზის ქედის მონაკვეთზე იყო ქვათაცვენა, ამჟამად მიმდინარეობს გაწმენდითი სამუშაოები. სოფელ აქუცის ხიდთან ჩამოწვა მეწყერი, ტერიტორია იწმინდებს. სოფელ დოლოგანში კარიერის ტერიტორიაზე ჩამოწვა მეწყერი, რის გამოც დაიტბორა საცხოვრებელი სახლების ეზოები და სავარგულები. სოფელ გოგიაშვილებში მამუკა ალიშანიძის სახლთან ჩამოწოლილია მეწყერი, ამ დროისათვის სახლს საფრთხე არ ემუქრება. სოფელ ცხმორისის გზაზე ჩამოწვა მეწყერი, ჩაკეტილია გზის სავალი ნაწილი", - აღნიშნულია გამგეობის განცხადებაში.
