რამდენით დაიწევს ტარიფი?

ენერგეტიკისა და ბუნებრივი რესურსების მინისტრი კახი კალაძე დღეს "ინტერ რაოს" წარმომადგენლებს შეხვდება.

შეხვედრის მთავარი თემა ელექტროენერგიაზე ტარიფის შესაძლო დაწევა იქნება.

შეხვედრაზე ასევე განიხილავენ "თელასის" 125 გათავისუფლებული თანამშრომლის საკითხსაც.

კახი კალაძის განცხადებით, ამ ეტაპზე რთულია კონკრეტულად იმის თქმა, თუ რამდენით მოხდება ტარიფის დაწევა, მაგრამ ცოტა ხანში ცნობილი გახდება კონკრეტული ციფრი.