პაატა სალია:ექსპერტმა ამომწურავად უპასუხა ყველა შეკითხვას. რასაც ჩვენი პაექრობის ეტაპზე დავაფიქსირებთ

ქიბარ ხალვაშის ადვოკატი პაატა სალია სამხარაულის სახელობის ექსპერტიზის ბიუროს ექსპერტის შოთა ივანაშვილის დაკითხვის შემდეგ კომენტარს აკეთებს. მისი განმარტებით, არცერთი არგუმენტით ექსპერტის დასკვნა, რომელიც წარმოდგენილია სასამართლოზე, არ არის გაქარწყლებული მოწინააღმდეგე მხარის მიერ.

"ჩემი აზრით, ექსპერტმა ამომწურავად უპასუხა ყველა შეკითხვას და ამას ჩვენი პაექრობის ეტაპზე დავაფიქსირებთ. ვთვლი, რომ არცერთი მტკიცებულებით, არცერთი გარემოებით და არცერთი არგუმენტით დასკვნა, რომელიც წარმოდგენილია სასამართლოზე, არ არის გაქარწყლებული მოწინააღმდეგე მხარის მიერ. სიტყვა საორიენტაციოსთან დაკავშირებით ჰქონდა "რუსთავი 2"-ს შეკითხვები. საორიენტაციო - ასეთი ტერმინი არის თუ არა ბუღალტერიაში, აღრიცხვის საერთაშორისო სტანდარტებში, ვერ გეტყვით, რადგან არ ვარ ამ სფეროს სპეციალისტი. ნორმალურ ენაზე კი გვესმის, რომ ეს არის დაახლოებითი ფასი. საბაზრო ფასის ზუსტი განსაზღვრა ყოველთვის რთულია. სწორედ ამიტომ დაწერა ექსპერტმა დასკვნაში საორიენტაციო ფასი. ამაზე ექსპერტმა დამაკმაყოფილებელი პასუხი გასცა", - განაცხადა პაატა სალიამ.