ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

პაატა სალია: ჩვენი მოთხოვნა ლეგიტიმური იყო და განჩინებაც სწორია

პაატა სალია: ჩვენი მოთხოვნა ლეგიტიმური იყო და განჩინებაც სწორია

ბიზნესმენ ქიბარ ხალვაშის ადვოკატი, პაატა სალია ნიკა გვარამიას და კახა დამენიას მოუწოდებს სასამართლოს  გადაწყვეტილებას დაემორჩილონ.

სალიას განცხადებით მოსამართლე თამაზ ურთმელიძის განჩინება საკონსტიტუციო სასამართლოს გადაწყვეტილებას არ ეწინააღმდეგება.

 

"ეს არის გადაწყვეტილების აღსრულების უზრუნველყოფის ღონისძიება, რომელიც მოქმედებს. ეს ნორმა არავის შეუჩერებია. ჩვენ დროებითი მმართველის დანიშვნა მოვითხოვეთ, რომელიც აბსოლუტურად სხვა ნორმით რეგულირდება. 195-ე მუხლი ამბობს, სასამართლოს განჩინების აღსრულება სარჩელის უზრუნველყოფის შესახებ დაუყონებლივ ხორციელდება. ეს ნორმა მოქმედებს და ძალაშია. უბრალოდ იურისტებმა, სანამ კომენტარებს გააკეთებენ და იტყვიან, რომ კონსტიტუციას ეწინააღმდეგება, უკეთესად უნდა წაიკითხონ, რადგან ეს განჩინება არ ეწინააღმდეგება იმ აკრძალვას რომელიც დააწესა საკონსტიტუციო სასამართლომ.

 

ჩვენი მოთხოვნა აბსოლუტურად ლეგიტიმური იყო და განჩინებაც აბსოლუტურად სწორია. საკონსტიტუციო სასამართლოს არც 271-ე და არც 195-ე მუხლი შეუჩერებია. საკონსტიტუციო სასამართლომ შეაჩერა 168-ე მუხლის პირველლი ნაწილის ზ) -პუნქტი. ანუ, ჩვენ თუ პირველი ინსტანციის სასამართლოს მერე ქიბარ ხალვაშის სახელზე წილების რეესტრში დარეგისტრირებას მოვითხოვდით, მაგრამ ჩვენ არც ვაპირებდით ამის მოთხოვნას დავის დამთავრებამდე. 

 

ჩვენ არ ვაპირებთ არანაირ დაპირისპირებას. ეს არის სასამართლოს გადაწყვეტილება, რომელსაც უნდა დაემორჩილოს გენერალური დირექტორი და ფინანსური დირექტორი. მათ შეუჩერდათ უფლებამოსილება. დანარჩენს ეს არ შეხებია. ჟურნალისტებს ეს არ ეხება. მოდის მმართველი და მიდის ჩვეულებრივი მუშაობა. ხვალ, რეზო საყევარიშვილი და დავით დვალი ოფიციალურ განცხადებას გაავრცელებენ. ისინი ოფიცილურად იტყვიან რას აპირებენ. მე მათ მაგივრად ვერ ვილაპარაკებ. ისინი სასამართლოს მიერ არის დანიშნული და დამოუკიდებლად მიიღებენ გადაწყვეტილებას", - განაცხადა სალიამ.

გააზიარე სტატია

საიტის კომენტარები (0)

Facebook კომენტარები: