ნინო გვენეტაძე მზად არის თამაზ ურთმელიძეს შეხვდეს

საქართველოს უზენაესი სასამართლოს და იუსტიციის უმაღლესი საბჭოს თავმჯდომარე, ნინო გვენეტაძე მზადყოფნას გამოთქვამს, საქალაქო სასამართლოს მოსამართლე თამაზ ურთმელიძეს იუსტიციის საბჭოს ფორმატში შეხვდეს.

უზენაესი სასამართლოს პრესსამსახურის ინფორმაციით, ამის შესახებ ნათქვამია ნინო გვენეტაძის განცხადებაში. 

"უზენაესი სასამართლოს და იუსტიციის უმაღლესი საბჭოს თავმჯდომარე ქალბატონი ნინო გვენეტაძე გამოხატავს მზადყოფნას იუსტიციის უმაღლესი საბჭოს ფორმატში შეხვდეს თბილისის საქალაქო სასამართლოს მოსამართლეს თამაზ ურთმელიძეს, მისი სურვილის შემთხვევაში", - ნათქვამია განცხადებაში.