პოლიციამ იარაღის უკანონო შენახვის ფაქტზე ერთი პირი დააკავა

გლდანი-ნაძალადევის პოლიციის სამმართველოს თანამშრომლებმა ოპერატიული ინფორმაციის საფუძველზე,  იარაღის უკანონო შენახვის ფაქტზე ნესტორ ბ. დააკავეს.

შინაგან საქმეთა სამინისტროს ინფორმაციით, 1971 წელს დაბადებული ნესტორ ბ.-ს საცხოვრებელი სახლის სარდაფიდან სამართალდამცველებმა ჩხრეკისას „აკმ"-ის ტიპის არარეგისტრირებული ავტომატი და 2 მჭიდი ამოიღეს.

„მას ბრალი ცეცხლსასროლი იარაღის მართლსაწინააღმდეგო შენახვისთვის უკვე წაეყენა. დადგინდა, რომ ბრალდებული წარსულში მძიმე დანაშაულის ჩადენის გამო ოთხჯერ არის ნასამართლევი“, - ნათქვამია  შსს-ს განცხადებაში.

სამინისტროს ინფორმაციით, ნესტორ ბ.-მ დანაშაული აღიარა.