Human rights center-ის აღმოჩენილი მედიადარღვევები
,,თბილისი მარიოტში" გამართულ პრეზენტაციაზე ადამიანის უფლებათა ცენტრმა ,,საპარლამენტო არჩევნების გაშუქების მედიამონიტორინგის შემაჯამებელი ანგარიში წარადგინა.
ადამიანის უფლებათა ცენტრი იმ ფარულ პოლიტიკურ, სოციალურ და ფასიან პოლიტიკურ რეკლამებსა და დარღვევებზე საუბრობს, რომელიც 6 ქართული ტელეარხის ეთერში გადიოდა.
ორგანიზაციის წარმომადგენლების თქმით, ყველაზე მეტი დარღვევები ,,რუსთავი 2"-ზე, ,,იმედსა" და საზოგადოებრივ მაუწყებელზე დაფიქსირდა. ხოლო სარეკლამო დროის ყველაზე ხანგრძლივ პოერიოდს ,,ნაციონალური მოძრაობის" რეკლამები მოიცავდა. აღსანიშნავია ისიც, რომ ხშირად გადიოდა პოლიტიკური გაერთიანება ,,ქართული ოცნების" წინააღმდეგ მიმართული რეკლამები.
Human rights center-ის მთავარი რედაქტორის ალეკო ცქიტიშვილის თქმით, დარღვევები იყო ,,მე მიყვარს თბილისი", ,,რაჭა ჩემი სიყვარული" და ,,ანაკლია გულიათადად გელით"-ს სარეკლამო რგოლებში.
,,შალვა ნათელაშვილის პარტიის სინასაარჩევნო სარეკლამო რგოლს ყველაზე მეტი დრო ეთმობოდა საზოგადოებრივი მაუწყებლის პრაიმ ტაიმში. მას მოსდევდა ,,ნაციონალური მოძრაობის" რეკლამები. ბალანსის თვალსაზრისით, ძალიან დიდი დარღვევები ჰქონდა ,,რუსთავი 2"-ს და ,,იმედს", რომლებიც ხირითადად ეთმობოდა ერთმანეთს", - აცხადებს ალეკო ცქიტიშვილი.
მისი თქმით, ,,ქართული ოცნების" სასარგებლოდ იყო ბალანსი დარღვეული ,,tv9"- სა და ,,მაესრტოზეც" , თუმცა ,,მაესტრო" ყველაზე მეტად ახერხებდა გავლენის აცილებას.
