დედოფლისწყაროში კარანტინი გამოცხადდა

დედოფლისწყაროს მუნიციპალიტეტის სოფელ ზემო მაჩხაანში, იოსებ ჭიღიტაშვილის კუთვნილ მსხვილფეხა რქოსან პირუტყვს ცოფი დაუდგინდა.

როგორც დედოფლისწყაროს გამგეობაში qiziyi.ge-ს განუცხადეს, უკვე გამოიცა გამგებლის ბრძანება, რის მიხედვითაც სოფელ ზემო მაჩხაანში, ე.წ. „თელა წყალის“ ტერიტორია არაკეთილსაიმედო კერად გამოცხადდა და კარანტინი დაწესდა.

ააიპ ,,დედოფლისწყაროს მუნიციპალიტეტის საზოგადოებრივი ჯანმრთელობის დაცვის ცენტრს“ დაევალა დაავადებულ ცხოველთან კონტაქტირებული მოსახლეობის აღრიცხვა და მონიტორინგის წარმოება ცოფით დაავადებულ ცხოველთან კონტაქტირებული მოსახლეობის ანტირაბიული პროფილაქტიკური აცრების  ჩატარებაზე.

სოფელ ზემო მაჩხაანის მიწადსარგებლობის ტერიტორიაზე, ადგილი ,,თელა წყალი“, როგორც ცოფის მხრივ არაკეთილსაიმედო კერაში, აიკრძალა ძაღლებისა და კატების ქუჩაში გაყვანა ან მათი სარეალიზაციოდ გადაყვანა. სსიპ სურსათისა  ეროვნული სააგენტოს კახეთის რეგიონალურმა სამმართველომ უნდა უზრუნველყოს: – ცოფიან ცხოველთან კონტაქტირებული ცხოველების გამოვლენა, ლიკვიდაცია;  იმუნო-ბუფერული ზონის შექმნის მიზნით, ცოფის ამთვისებელი ჯანმრთელი ცხოველების იძულებითი ვაქცინაცია;  ცოფიანი ცხოველის მიერ დასნებოვნებული ეზოების დეზინფექცია;  აღნიშნული დაავადების თაობაზე მოსახლეობის საინფორმაციო უზრუნველყოფა.