10–12 დეკემბერს საქართველოს ბელგიიდან და ჰოლანდიიდან სავაჭრო მისია ეწვევა. ორმხრივი ბიზნესშეხვედრები თბილისში, სასტუმრო Holiday Inn-ში ჩატარდება.
სავაჭრო მისიაში წარმოდგენილნი იქნებიან იურიდიული, მარკეტინგის, იმპორტ-ექსპორტის, ავტომატიზაციისა და სანადირო თოფების მწარმოებელი ბელგიური კომპანიები. ასევე მეცხოველეობის სფეროში მოღვაწე და პლასტმასის შესაფუთი მასალების საქართველოდან იმპორტით დაინტერესებული ჰოლანდიური კომპანიები.
სავაჭრო მისია წარმოადგენს ჰააგისა და ბელგიის სავაჭრო პალატების ფედერაციის, ევროკავშირ-საქართველოს ბიზნესსაბჭოსა და საქართველოს სავაჭრო-სამრეწველო პალატის ერთობლივ ინიციატივას.
