ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

რამაზ საყვარელიძე: NDI-ის კვლევის შედეგები საზოგადოების რეალურ განწყობას ასახავს

რამაზ საყვარელიძე:  NDI-ის კვლევის შედეგები საზოგადოების რეალურ განწყობას ასახავს

ექსპერტი რამაზ საყვარელიძე მიიჩნევს, რომ ეროვნულ-დემოკრატიული ინსტიტუტის (NDI) მიერ დღეს გამოქვეყნებული კვლევის შედეგები საზოგადოების რეალურ განწყობას ასახავს.

როგორც მან „ივერიონს“ განუცხადა, აღნიშნულ ნაწილში რეალური შედეგებია წარმოდგენილი, რადგან კამათს ძირითადად, კვლევის პოლიტიკური ნაწილი იწვევს ხოლმე.

„აღნიშნული ჯგუფის წინა კვლევის შედეგები არ მახსოვს, თუმცა ბოლო პერიოდში ეს თემატიკა დაახლოებით ასეა დალაგებული ყოველთვის. კერძოდ, უმუშევრობაა წინა ადგილზე და ა.შ. რუსეთის მიმართ დამოკიდებულებაც, დაახლოებით, 80%-ში იწვევს ხოლმე უკმაყოფილებას“, - განაცხადა საყვარელიძემ.

მისი თქმით, საქართველოს მოსახლეობა რუსეთსა და საქართველოს შორის არსებული დაძაბულობით უკმაყოფილოა, რაც კვლევის შედეგებშიც აისახება.

„უმუშევრობა, ხელმისაწვდომი სამედიცინო მომსახურება საქართველოს მოსახლეობას ნამდვილად აწუხებს, რაც არაერთხელ დამტკიცდა და დღესაც არ კარგავს აქტუალობას“,- აღნიშნა რამაზ საყვარელიძემ.

NDI-ს მიერ ნოემბერში ჩატარებული კვლევის შედეგები სახელწოდებით "საზოგადოების განწყობა საქართველოში" პრეზენტაცია დღეს გამართა.

კვლევის შედეგების მიხედვით, საქართველოს მასშტაბით გამოკითხული რესპოდენტებისთვის ყველაზე მნიშვნელოვან ეროვნულ საკითხებს შორის პირველ ადგილზე 56%-ით სამუშაო ადგილებია. მეორე ადგილზე 35%-ით ხელმისაწვდომი სამედიცინო მომსახურებაა, შემდეგ ადგილებს კი, 29%-ით ტერიტორიული მთლიანობა, 28%-ით სიღარიბე, ხოლო 26%-ით პენსიები.

რაც შეეხება რუსეთთან ურთიერთობას, გამოკითხულთა 79%-ს რუსეთთან ამჟამინდელი ურთიერთობა არ მოსწონს, ხოლო 51%-მა არ იცის, როდის გახდება საქართველო ნატოს წევრი.

გააზიარე სტატია

საიტის კომენტარები (0)

Facebook კომენტარები: