ქალთა მიმართ ძალადობის წინააღმდეგ რაგბის მატჩი გაიმართა

გაეროს გენერალური მდივნის მიერ ინიცირებული ქალთა მიმართ ძალადობის აღმოფხვრისადმი მიძღვნილი კამპანიის ფარგლებში, ევროკავშირის სადამკვირვებლო მისიამ, ცნობიერების ამაღლების მიზნით გამართულ რაგბის მატჩში  მიიღო მონაწილეობა.

როგორც საქართველოში ევროკავშირის სადამკვირვებლო მისიის ვებ-გვერდზეა აღნიშნული, მატჩი გაეროს ქალთა ორგანიზაციის მიერ იყო ორგანიზებული.

საქართველოში აკრედიტებული დიპლომატიური კორპუსის წარმომადგენლების გუნდი საქართველოს ეროვნული ნაკრების მოქმედი და ყოფილი წევრებისგან შემდგარ გუნდს შეხვდა.

კამპანიის სლოგანი - „ქალს ვინც დაუწყო გინება, აბა თუ შეგვერკინება“, განთავსებული იყო პლაკატებზე, რომლებსაც მატჩის შემდეგ საქართველოს ნაკრების წევრებმა საქველმოქმედო მიზნით ხელი მოაწერეს.

„საუკეთესო მოთამაშის“ ტიტული ევროკავშირის სადამკვირვებლო მისიის წევრs იოჰან აქსანდერსს მიენიჭა.