გოგოლის ქუჩაზე ხანძარი გაჩნდა

გამთენიისას, გოგოლის ქუჩის N10-ში ხანძარი გაჩნდა.

როგორც „ივერიონს“ საგანგებო სიტუაციების სამსახურში განუცხადეს, დამწვარია სამსართულიანი იტალიური ტიპის სახლის სახურავი და მანსარდა.

მათი ინფორმაციით, დაიწვა დაახლოებით, 200-250 კვადრატული მეტრის ფართობი.

ხანძრის შედეგად არავინ დაშავებულა და მოსახლეობის ევაკუაცია დროულად მოხერხდა.

ადგილზე 16 სახანძრო და 2 სამაშველო ბრიგადა იყო მობილიზებული. ხანძარი სრულადაა ლიკვიდირებული.