აჭარის ტელევიზიის დირექტორს ახალი მოადგილე ჰყავს
ტელეკომპანია "აჭარის" ტელევიზიისა და რადიოს დირექტორის მოადგილედ ცოტნე ანანიძე დაინიშნა. შეგახსენებთ, რომ ეს თანამდებობა დღემდე ვაკანტური იყო.
"ცოტნე არის იურისტი, საკმაოდ კარგი სატელევიზიო უნარებიც გამოავლინა. მიჰყავს საზოგადოებრივ-პოლიტიკური თოქ-შოუ "სამართალი ხალხისთვის". ერთ წელზე მეტია გადის ეთერში. არის ეთიკის ქარტიის წევრი. ვთვლი, რომ გადაცემის წაყვანას და ახალ თანამდებობას ერთმანეთს შეუთავსებს. ამ უნარებით შევარჩიეთ მოადგილედ," - განაცხადა საზოგადოებრივი მაუწყებლის აჭარის ტელევიზისა და რადიოს დირექტორმა სოსო სტურუამ.
