გია ვოლსკი:-"რუსეთმა რაც დაიწყო, ის დამთავრდა აფხაზეთში ოკუპაციით".
აზრს, რომ რუსეთი ყირიმშიც ისე იწყებდა, რაც ახლა აფხაზეთში ხდება, არ ეთანხმება საპარლამენტო უმრავლესობის წევრი გია ვოლსკი და აცხადებს, რომ არ არის საჭირო აფხაზეთში მიმდინარე მოვლენებთან დაკავშირებით ილუზიების შექმნა.
-"ყირიმში სულ სხვა სცენარი და სულ სხვა რეალობაა, იქ არის შავ ზღვაზე გასასვლელი სტრატეგიული ფლოტის საკითხი და სამხედრო არმადის თემა, რომელიც აკონტროლებს შავი ზღვის აკვატორიას, აფხაზეთში – ის თემა, რომ რუსეთთან მეტი ურთიერთობა და ნაკლები კორუფციაა საჭირო, რაც ყოველთვის ისმოდა და ახალი არ არის. არც ოპოზიციის მხრიდან აკლდა რუსებს ხსენება და არც დე ფაქტო ხელისუფლებიდან, – ყველა ცდილობდა, გამოჩენილიყო, როგორც რუსეთთან ახლოს მდგომი. ჩვენ ნუ შევქმნით ახალ თეორიებს, რომ ყირიმშიც ასე იწყებოდა. რუსეთმა რაც დაიწყო, დამთავრდა აფხაზეთში ოკუპაციით".
