"პრაიმტაიმნიუსი" დილიდან ჰაკერების შემოსევის ობიექტი გახდა

- 'დღეს დილიდან, საინფორმაციო სააგენტო "პრაიმტაიმნიუსი" ჰაკერების შემოსევის ობიექტი  გახდა, რის შედეგადაც უკვე რამდენიმე საათია ვებგვერდი აღარ ფუნქციონირებს. ჰაკერებმა "პრაიმტაიმნიუსის" ვებგვერდზე განათავსეს წარწერები, მათ შორის ასეთი შინაარსის - ჩვენ ვართ ლეგიონი, ჩვენ ვართ ინტერნეტის ანგელოზები. ამ ეტაპზე მიმდინარეობს გვერდის აღდგენითი სამუშაოები, რომელიც სავარაუდოდ, საღამოსთვის დასრულდება. "პრაიმტაიმნიუსის" ტექნიკური უზრუნველყოფის სამსახური და IT სპეციალისტები ცდილობენ დაადგინონ ის მისამართი, საიდანაც მოხდა საიტზე შეღწევა და ყველა მონაცემის წაშლა",–აცხადებენ სააგენტოში.