NDI-მ 3 338 პირი გამოკითხა
"ეროვნულ-დემოკრატიულმა ინსტიტუტმა" ჩატარებული კვლევების შედეგები გამოაქვეყნა. კვლევის სამუშაოები 23 ივლისიდან 7 აგვისტოს ჩათვლით პერიოდში ჩატარდა და 3 338 პირი გამოიკითხა.
კვლევების შედეგების თანახმად თავდაცვის მინისტრი ირაკლი ალასანია მოსახლეობას კვლავ პრემიერ-მინისტრ ირაკლი ღარიბაშვილზე მეტად მოსწონს. რაც შეეხებათ სხვა პოლიტიკოსებს მესამე ადგილზე პარლამენტის თავმჯდომარე დავით უსუფაშვილი, ხოლო მეოთხეზე – საპარლამენტო უმცირესობის ლიდერი დავით ბაქრაძეა.
გამოკითხულთა 48%-ს მარგველაშვილი მოსწონს, ხოლო 45%-ს – ივანიშვილი. აქვე უნდა აღინიშნოს, რომ აპრილში გამოქვეყნებულ კვლევასთან შედარებით მარგველაშვილის მოწონების მაჩვენებელი 2%-ით გაიზარდა, ხოლო ივანიშვილის - 6%-ით შემცირდა.
აპრილში გამოქვეყნებულ კვლევებთან შედარებით გაიზარდა ლევან ვასაძის მოწონების მაჩვენებელი და ამ მაჩვენებელმა 5%-ს მიაღწია. კერძოდ, NDI ახალი კვლევის თანახმად, გამოკითხულ მოსახლეობის 25 %-ს ბიზნესმენი და რაინდი ლევან ვასაძე მოსწონს.
NDI-ის კვლევებს შვედეთის საერთაშორისო განვითარებისა და თანამშრომლობის სააგენტო (შიდა) აფინანსებს და ჩღღჩ საქართველო ატარებს.
