მძღოლებმა პარკირების საშვი ახალ ნომრებზე უნდა გადაიტანონ
კომპანია "სითი პარკი" ახალი დიზაინის სანომრე ნიშნების მფლობელებისთვის განცხადებას ავრცელებს. "სითი პარკი" მძღოლებს აფრთხილებს რომ პარკირების საშვი ახალ ნომერზე უნდა გადაიტანონ.
"ახალი დიზაინის სანომრე ნიშნების შემოღებასთან დაკავშირებით "სითი პარკი" შეახსენებს ავტომფლობელებს, რომ მათ პარკირების საშვი ახალ ნომრებზე უნდა გადაიტანონ. ამისთვის საჭიროა, მოქალაქემ მიაკითხოს "სითი პარკის" სერვის-ცენტრს კანდელაკის # 47 და წარმოადგინოს ცნობა შსს-ს მომსახურების სააგენტოდან, რომ ჩააბარა ძველი სახელმწიფო ნომრები და აიღო ახალი ნომრები. ამ ინფორმაციის საფუძველზე მოხდება პარკირების საშვის გადატანა", - ნათქვამია "სითი პარკის" განცხადებაში.
