ალეკო ელისაშვილი: რატომ უნდა მოხდეს ავარიული სახლების გამაგრებიდან 27 მილიონის ამოიღება გაუგებარია!
საკრებულოს დამოუკიდებელი დეპუტატის ალეკო ელისაშვილის განცხადებით, ცვლილებები, რომელიც ბიუჯეტში იგეგმება მისთვის გაუგებარია.
"ავარიული სახლების გამაგრებიდან 27 მილიონი რატომ უნდა ამოიღონ ეს არის ჩემთვის გაუგებარი, ისევე როგორც საბავშო ბაღებთან დაკავშირებით გაუგებარია, იმ დროს როდესაც საკრებულოც, ყველა მაჟორიტარი მონდომებულია პირდაპირ დავალებები გვაქვს ლამის მიღებული, რომ შევარჩიოთ ადგილები ახალი ბაღის ასაშენებლად, ამ დროს ლამის მილიონნახევრით საბავშვო ბაღების მშენბლობისათის გამოყოფილი თანხების შემცირება არის გაუგებარი. ერთი, რასაც მივესალმები ამ კორექტირებულ ბიუჯეტში, რომ მშენებლობების კოეფიციენტის გადასახადი, რომელიც სააერთოდ მავნებლური პრაქტიკა იყო, მაგრამ სამი მილიონი ჰქონდა დავალიანება და გადაუვადებდნენ და გადაუვადებნენ, ხოლმე და ახლა უნდა ამოიღონ ეს სამი მილიონი, ამას მივესალმები, მაგრამ დანარჩენი არის გაუგებარი",-აცხადებს ელისაშვილი.
