თურქეთში ავარიას 13 ადამიანის სიცოცხლე ემსხვერპლა
უბედური შემთხვევა მოხდა თურქეთში - 13 ადამიანი დაიღუპა სამგზავრო ავტობუსის ავარიის შედეგად, 28 - დაშავებულია.
შემთხვევა ისპარტა-სტამბულის გზაზე მოხდა. წინასწარი ინფორმაციით, მძღოლმა საჭის დამორჩილება ვერ შეძლო, ავტობუსი გზიდან გადავიდა და ამოტრიალდა.
რამდენიმე ადამიანი ადგილზევე დაიღუპა. დაშავებულები ანტალიისა და ისპარტის საავადმყოფოებში გადაიყვანეს.
