ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

"სამოქალაქო განათლების ოლიმპიადა" და "სტუდენტები თვითმმართველობისათვის" პრეზენტაცია გაიმართა

"სამოქალაქო განათლების ოლიმპიადა" და "სტუდენტები თვითმმართველობისათვის" პრეზენტაცია გაიმართა

  ორგანიზაცია "მოქალაქემ" ორი პროექტის - "სამოქალაქო განათლების ოლიმპიადა" და "სტუდენტები თვითმმართველობისათვის" პრეზენტაცია გამართა, რომელსაც ორგანიზაციის დამფუძნებელი, ყოფილი პრემიერ-მინისტრი ბიძინა ივანიშვილი დაესწრო.

  პროექტები ახალგაზრდების დემოკრატიული საზოგადოების სრულფასოვან წევრებად ჩამოყალიბებას, ქვეყნის განვითარების თუ მართვის პროცესში მათ აქტიურ ჩართვას და თანამონაწილეობას ემსახურება.


  "სამოქალაქო განათლების ოლიმპიადა" მიზნად ისახავს მოსწავლეებში სამოქალაქო ღირებულებების დამკვიდრების ხელშეწყობას. პროექტით განსაზღვრულია ნიჭიერი, მაღალი მოქალაქეობრივი კომპეტენციისა და სოციალურად აქტიური მოსწავლეების გამოვლენა და მხარდაჭერა, ინფორმირებული აქტიური და პასუხიმგებლობის გრძნობის მქონე მოქალაქეების აღზრდის ხელშეწყობა. სამოქალაქო განათლების ოლიმპიადაში მონაწილეობის მიღება შეუძლიათ საქართველოს სკოლების IX-XII კლასების მოსწავლეებს. ოლიმპიადა ჩატარდება ქართულ, რუსულ, სომხურ და აზერბაიჯანულ ენებზე, რეგისტრაცია კი დაიწყება 7 ოქტომბერს და გაგრძელდება 31 ოქტომბრის ჩათვლით. მონაწილეობის მსურველებმა რეგისტრაციის გასავლელად უნდა მიმართონ სკოლის ადმინისტრაციას. პროექტის ფარგლებში მომზადდა ვიდეოლექციების კურსი "სამაგალითო ადამიანები". ლექციების მიზანია, ახალგაზრდებს გააცნოს საზოგადოებისათვის ნაკლებად ცნობილი ადამიანების ისტორიები, რომელთა ცხოვრებაც სხვადასხვა ეპოქაში მოქალაქეობრივი ცნობიერებისა და ღირებულებების უპირობო დაცვისა და თავგანწირვის მაგალითებს წარმოადგენს.

გააზიარე სტატია

საიტის კომენტარები (0)

Facebook კომენტარები: