ალექსი პეტრიაშვილი: ყოველივე ეს რუსეთის მხრიდან საქართველოს ტერიტორიების ანექსიის მცდელობის გაგრძელებაა!
სერიოზულად ვმუშაობთ და გვაქვს მოლოდინი, რომ საერთაშორისო ორგანიზაციების მხრიდან პრინციპული გნცხადებები გაკეთდება. ასე აფასებს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი რუსეთსა და ოკუპირებულ აფხაზეთს შორის გასაფორმებელ ხელშეკრულებას.
მისი განცხადებით, ხელშეკრულება რუსეთის მხრიდან საქართველოს ტერიტორიების ანექსიის მცდელობის გაგრძელებაა.
"ჩვენ ძალიან სერიოზულად ვმუშაობთ და გვაქვს მაღალი მოლოდინი, რომ საერთაშორისო ორგანიზაციების მხრიდან ძალიან პრინციპული განცხადებები გაკეთდება.
ორმხრივად გამართულ ყველა შეხვედრაზე დაფიქსირდა სერიოზული უკმაყოფილება და დაგმობა რუსეთის მხრიდან ამგვარი ქმედებების",-აცხადებს პეტრიაშვილი.
ცნობისთვის, რუსეთმა აფხაზეთს "ერთიანი ჯარის" შექმნა შესთავაზა. კანონპროექტი, რომელიც აფხაზეთის "პარლამენტში" შევიდა, ითვალისწინებს რუსულ-აფხაზური საჯარისო ნაწილების და მართი მართვის ორგანოების შექმნას. ის ასევე ითვალისწინებს, საერთო სამხედრო ინფრასტრუქტურის შექმნას და "საზღვრის" კონტროლის ერთობლივ განხორციელებას.
