საქართველოს პრემიერ-მინისტრი ბრიუსელში კიდევ ერთ ვიზიტს გამართავს
როგორც საქართველოს პრემიერ მინისტრმა ირაკლი ღარიბაშვილმა განაცხადა, ბრიუსელში უახლოეს მომავალში კიდევ ერთ ვიზიტს გამართავს
მომავალი ვიზიტის ფარგლებში ირაკლი ღარიბაშვილი ევროკომისიის პრეზიდენტს და ევროპული საბჭოს პრეზიდენტს შეხვდება.
საქართველოს პრემიერ-მინიტრმა განაცხადა, რომ საქართველოს ევროკავშირის უმაღლესი წარმომადგენელი საგარეო და უსაფრთხოების პსაკითხებში ფედერიკა მოგერინი ეწვევა.
"მე ვაპირებ, უახლოეს პერიოდში შევხვდე ევროკომისიის პრეზიდენტ ჟან-კლოდ იუნკერსა და ევროპული საბჭოს პრეზიდენტ დონალდ ტუსკს, როდესაც ისინი დაბრუნდებიან ოფისში. საქართველოში მოვიწვიე ევროკომისარი გაფართოებისა და ევროპული სამეზობლო პოლიტიკის საკითხებში იოჰანეს ჰანი. ევროკავშირის უმაღლესი წარმომადგენელი საგარეო და უსაფრთხოების პოლიტიკის საკითხებში ფედერიკა მოგერინი ჩამობრძანდება მომავალ წელს საქართველოში", - განაცხადა ღარიბაშვილმა.
