ირაკლი ღარიბაშვილი: მზად ვართ, რუსეთთან დიალოგი გავაგრძელოთ, მაგრამ პრინციპულები ვიქნებით!

  ჩვენ მზად ვართ რუსეთთან დიალოგი გავაგრძელოთ. აღნიშNული განცხადება საქართველოს პრემიერ-მინისტრმა ირაკლი ღარიბაშვილმა გააკეთა.

  მისივე თქმით, რუსეთთსა და ოკუპირებულ აფხაზეთს შორის მოკავშირეობისა და თანამშრომლობის შეთანხმების პროექტით ევროკავშირი შეშფოტებულია.

"ამ ხელშეკრულების არსებობით და ამ იდეით, რომ რუსეთი აფხაზეთთან აპირებს მის  ხელმოწერას, ყველა ძალიან შეშფოთებულია. მათ დეტალურად განვუმარტე ის რისკები, რაც ამ ხალშეკრულების გაფორმებას შეიძლება მოჰყვეს. ისინი აღნიშნული ფაქტით ძალიან შეშფოთებულები არიან. მე კიდევ ერთხელ მინდა აღვნიშნო, რომ მზად ვართ, რუსეთთან დიალოგი გავაგრძელოთ, მაგრამ ვიქნებით პრინციპულები, როცა საქმე ეხება ტერიტორიულ მთლიანობას და ჩვენ ამ საკითხებში, რა თქმა უნდა, ვერავითარ კომპრომისზე ვერ წავალთ", - განაცხადა პრემიერმა.

   როგორც საქართველოს პრემიერ-მინისტრმა აღნიშნა რუსეთის მიმართ საქართველოს მტავრობის თავშეკავებულ პოლიტიკას დასავლელი პარტნიორები მიესალმებიან

"რუსეთთან ეკონომიკური ურთიერთობა ცალკე საკითხია და ყოველთვის ვამბობთ, რომ ეს პოლიტიკურ ურთიერთობებში არ განიხილება. ჩვენ მათთან დიალოგი უპირობოდ დავიწყეთ და გავხსენით ბაზარი, მაგრამ რაც შეეხება პოლიტიკურ მხარეს, ამ მიმართულებით რეალური წინსვლა არ გვაქვს", - განაცხადა ღარიბაშვილმა.