კახა კოჟორიძე: არ შეიძლება პატრიოტიზმის მისაკუთრება!
"ძნელია ამტკიცო, რომ არ ხარ შენი ქვეყნის ძირგამომთხრელი, ძნელია როდესაც საქართველოს პრემიერ-მინისტრი არასამთავრობო-ორგანიზაციების ნაწილის მიმართ ასეთ ლექსიკას იყენებს". ეს განცხადება ახალგაზრდა იურისტთა ასოციასიის ხელმძღვანელმა კახა კოჟორიძემ ირაკლი ღარიბაშვილის განცხადების საპასუხოდ "კურიერის" ეთერში გააკეთა.
როგორც კოჟორიძემ განაცხადა, არ შეიძლება პატრიოტიზმის მისაკუთრება
"ძნელია, ამტკიცო ის, რომ არ ხარ საკუთარი ქვეყნის ძირგამომთხრელი, მაგრამ გვიწევს ამაზე საუბარი. ძალიან ცუდია, როდესაც პრემიერ-მინისტრი არასამთავრობო ორგანიზაციების ნაწილის მიმართ ასეთ ლექსიკას იყენებს. ჩემთვის წარმოუდგენელია, სახელმწიფო სტრუქტურების მიმართ მიზანმიმართული ბრძოლა დააბრალო მოქალაქეს. არ შეიძლება ასეთი მძიმე ბრალდება არგუმენტაციის და დასაბუთების გარეშე,"- განაცხადა კახა კოჟორიძემ.
კოჟორიძის თქმით, ბესელია-ფოფხაძე-სესიაშვილის მიერ მომზადებული კანონპროექტი მოქალაქეებს არ იცავს უკანონო მოსმენისგან.
