ვანო მაჭავარიანი:-"ხელისუფლებას და ბატონ ბიძინას არ მოსწონს კონსტიტუცია და პრეზიდენტისთვის მინიჭებული უფლებები"

   ყოფილი ქართველი მაღალჩინოსნების უკრაინაში შესაძლო დანიშნებს პრეზიდენტის ყოფილი მრჩეველი ვანო მაჭავარიანი ეხმიანება და მმართველ გუნდს ურჩევს ყველა საკითხს ნუ გააპოლიტიზირებენ

   -"ექს–მინისტრი სანდრო კვიტაშვილი, რომელიც უკრაინის ჯანდაცვის მინისტრი გახდა, უწესიერესი ადამიანია. რა იდგა იმის უკან, რომ ბატონი სანდრო დაესახალებინათ ან სხვა – ეს უკრაინის მთავრობის გადასაწყვეტია. მათ მიაჩნიათ, რომ ეს გამოყენებადი რესურსია. რამდენად გაამართლებს, ამას დრო აჩვენებს, მაგრამ ფაქტი ერთი რამაა - ეს შესაძლოა, ორ ქვეყანას შორის ურთიერთობების, ასე ვთქვათ, გამყარებისთვის იყოს გამოყენებული და  საერთო მიზნებისკენ სვლისთვის. არ შეიძლება ყველაფრის ასე პოლიტიზირება. მარტივად რომ ვთქვათ, "გაატარე" რა რაღაც-რაღაც თემები, ყველასთან ნუ გაიფუჭებ ურთიერთობას. ასეთი სიბეცე არ შეიძლება!",- განაცხადა ვანო მაჭავარიანმა  "არჩევანის" სტუდიაში.

   მისივე თქმით  დღეს  "პრეზიდენტის ლანძღვაში კონკურსია გამოცხადებული". 

   -"საქართველოს ხელისუფლებას და ბატონ ბიძინას არ მოსწონს კონსტიტუცია და პრეზიდენტისთვის მინიჭებული უფლებები. თუმცა ეს არაფერს ცვლის, თუ არ ჩავთვლით იმას, რომ პრეზიდენტის ლანძღვაში შეჯიბრია გამოცხადებული, ის ფაქტი, რომ ყოფილ პრემიერ-მინისტრსა და მმართველ კოალიციას არსებული კონსტიტუცია არ მოსწონთ, კონსტიტუციით პრეზიდენტის მიმართ მინიჭებულ უფლებებზე უმრავლესობის რეაგირებაა".