თამარ ბერუჩაშვილი: ჩვენი ამოცანაა გავაძლიეროთ და გავააქტიუროთ ქართულ-უკრაინული ურთიერთობები!
უკრაინის მთავრობაში საქართველოს ხელისუფლების ყოფილი წარმომადგენლების დანიშვნაში მისასალმებელი ნამდვილად არაფერია. განცხადება ამის შესახე საქართველოს საგარეო საქმეთა მინისტრმა თამარ ბერუჩაშვილმა გააკეთა.
"მისასალმებელი ნამდვილად არაფერი არ არის. მე პიროვნულად შემიძლია ვთქვა, რომ არ მახსოვს რაიმე განსაკუთრებული მიღწევები იმ პერსონების, რომლებიც დაინიშნენ პოსტზე. მაგრამ, ნებისმიერი ქვეყნის სუვერენული უფლებაა, მოახდინოს იმ მთავრობის ფორმირება, იმ შემადგენლობით, როგორც ჩათვლის საჭიროდ. ჩვენი ამოცანაა, ვიმუშავოთ, გავაძლიეროთ, გავამდიდროთ და გავააქტიუროთ ქართულ-უკრაინული ურთიერთობები. ამის შესაძლებლობები არის და დარწმუნებული ვარ, კარგი რეზულტატებიც გვექნება", - განაცხადა თამარ ბერუჩაშვილმა.
