რიჩარდ ნორლანდი: რუსეთსა და აფხაზეთს შორის ე.წ. შეთანხმების ლეგიტიმურობას არ ვაღიარებთ!

აშშ-ის ელჩი საქართველოში აცხადებს, რომ ამერიკის შეერთებული შტატები არ აღიარებს ე.წ. შეთანხმებას, რომელიც დაიდო რუსეთსა და აფხაზეთს შორის. ამასთან, რიჩარდ ნორლანდმა ჟენევაში მოლაპარაკებათა მორიგ რაუნდზე საუბრისას განაცხადა.

"ეს 30-ე რაუნდი გახლავთ. დეტალებზე ვერ ვისაუბრებ, რადგან ჯერ შედეგი არ ვიცით. ბუნებრივია, ამერიკის შეერთებული შტატები კარგად არის ინფორმირებული რამდენიმე კვირის მოვლენების შესახებ და ჩვენი პოზიცია ამ მხრივ არის მკაფიო - ჩვენ არ ვაღიარებთ ე.წ. შეთანხმებას, რომელიც დაიდო რუსეთსა და აფხაზეთს შორის, არ ვაღიარებთ მის ლეგიტიმურობას. ასევე მნიშვნელოვანია, რომ მონაწილეების ყურადღების ცენტრში იყოს არა მხოლოდ მაღალი პოილიტიკური მნიშვნელობის საკითხები, არამედ ის ჰუმანტირული მდგომარეობა, რომელიც შექმნილია ადგილზე და რომელიც საკმაოდ რთულია", - განაცხადა რიჩარდ ნორლანდმა.