რიჩარდ ნორლანდი: საქართველოში ბევრი წარმატებული ქალი პოლიტიკოსია!
საქართველოში ბევრი წარმატებული ქალი პოლიტიკოსია, მაგრამ არის უფრო მეტის საშუალება, რომ ქალები უკეთ იყვნენ წარმოდგენილები. განცხადება ამის შესახე საქართველოში ამერიკის შეერთებული შტატების ელჩმა რიჩარდ ნორლანდმა "რედისონ ბლუ ივერიაში", სადაც ამერიკელი დიპლომატი NDI-ის მიერ ორგანიზებულ ყოველწლიურ კონფერენციას "გავიმარჯვოთ ქალებთან ერთად" თემის კომენტირებისას გააკეთა.
"მსურს, მივულოცო NDI-ის ამ ღონისძიების ორგანიზება. ჩვენ მოხარულები ვართ, რომ გვაქვს საშუალება, მხარი დავუჭიროთ ამ კონფერენციას, რომელიც მიმართულია ქალთა როლის ზრდისკენ პოლიტიკურ პროცესებში. თავის მხრივ, ეს ხელს შეუწყობს ზოგადად საზოგადოებრივ განვითარებას და საზოგადოებაში თანასწორობას. საქართველოში ბევრი წარმატებული ქალი პოლიტიკოსი გყავთ, მაგრამ არის უფრო მეტის საშუალება, რომ ქალები უკეთ იყვნენ წარმოდგენილები. ეს ღონისძიება კიდევ ერთი საშუალებაა, რომ დღეს ხაზი ესმევა ქალის როლს და მათ პოლიტიკურ პროცესებში მონაწილეობის მნიშვნელობას", - განაცხადა რიჩარდ ნორლანდმა.
