დიმიტრი ლორთქიფანიძე: მალე რესპუბლიკური პარტია პოლიტიკურად მნიშვნელოვან ნაბიჯს გადადგამს!
როგოც "ერთიანი დემოკრატიული მოძრაობის" წევრი დიმიტრი ლორთქიფანიძე აცხადებს, კოალიცია "ქართული ოცნება" უახლოეს მომავალში დაიშლება.
"მინდა, პირდაპირ გითხრათ, რომ რესპუბლიკური პარტია ძალიან მალე გადადგამს მნიშვნელოვან პოლიტიკურ ნაბიჯს და კოალიცია "ქართული ოცნება", რომელიც თავისი არსით სავსებით ეკლექტური იყო, საბოლოოდ დაიშლება!" - განაცხადა დიმიტრი ლორთქიფანიძემ.
"გუშინ ახალქალაქის საკრებულოს თავმჯდომარემ გააკეთა განცხადება, რომ ის ფაქტობრივად არ ფლობს სრულ კომუნიკაციას ცენტრთან. ის, როგორც ხელისუფლების წარმომადგენელი, აწყდება გარკვეულ ბარიერებს ცენტრალურ ხელისუფლებასთან ურთიერთობის თვალსაზრისით, თუნდაც ეს შემთხვევაა იმის თვალსაჩინო მაგალითი, რა ხდება კოალიციაში",-განაცხადა დიმიტრი ლორთქიფანიძემ.
