Iverioni
«    თებერვალი 2020    »
 12
3456789
10111213141516
17181920212223
242526272829 
თებერვალი 2020 (5)
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
სექტემბერი 2019 (1)
24-04-2015, 11:10
ნანახია: 764

ირაკლი ღარიბაშვილი:საქართველო გაამართლებს იმ დიდ ნდობას, რომელიც ევროპის ოლიმპიურმა კომიტეტმა გამოგვიცხადა

"თბილისი 2015" თავისი არსით ემთხვევა იმ კურსს, რომელიც ჩვენს ქვეყანას აქვს გაცხადებული " , - ამის შესახებ საქართველოს პრემიერ-მინისტრმა ირაკლი ღარიბაშვილმა "ექსპო ჯორჯიაში" განაცხადა, სადაც ევროპის ახალგაზრდული ოლიმპიური ფესტივალის "თბილისი 2015" სამზადისის ფარგლებში სემინარი გახსნა.

"ჩვენთვის, მთელი საქართველოსთვის, ძალიან დიდი პატივია, რომ ევროპის XIII ახალგაზრდული ოლიმპიური ფესტივალი სწორედ ჩვენს დედაქალაქში, თბილისში იმართება. ეს არის საქართველოს ისტორიაში ყველაზე მნიშვნელოვანი და მასშტაბური სპორტული ღონისძიება. თბილისი პირველია პოსტსაბჭოთა სივრციდან, რომელსაც ასეთი პატივი ერგო. ეს არის გამოხატულება ნდობისა ჩვენი ხელისუფლების მიმართ, ჩვენი ქვეყნის მიმართ. ის ფაქტი, რომ თბილისი ამ ფესტივალის მასპინძლად აირჩიეს, ძალიან ბევრს ნიშნავს. ესაა წარმატებაა ჩვენი ქვეყნის. ასე რომ, მინდა, დიდი მადლობა გადაგიხადოთ ამ ნდობისთვის. ჩვენ ყველაფერს ვაკეთებთ იმისათვის, რომ გავამართლოთ ეს ნდობა. ეს ღონისძიება გაცილებით მეტია, ვიდრე მხოლოდ სპორტული შეჯიბრება",- განაცხადა ირაკლი ღარიბაშვილმა.

საქართველოს პრემიერ-მინისტრის თქმით, საქართველო დიდი სპორტული ტრადიციების ქვეყანაა და არაერთი სახელგანთქმული სპორტსმენი ჰყავს, რომლებმაც არა მარტო ბევრჯერ ასახელეს თავისი ქვეყანა, არამედ თავისი წვლილი შეიტანეს მსოფლიო სპორტის განვითარების საქმეში.

"ახალგაზრდული ოლიმპიური ფესტივალი იმდენად არის მნიშვნელოვანი, რამდენადაც სხვადასხვა ქალაქი აერთიანებს ახალგაზრდა სპორტსმენებს, რომლებიც პირველ ოლიმპიურ გამოცდილებას იძენენ და სტარტს იღებენ დიდ სპორტში შესასვლელად. ასეთი ასპარეზობები ხელს შეუწყობს ახალგაზრდობაში ისეთი ღირებულებების პოპულარიზაციას, როგორიცაა - სწრაფვა გამარჯვებისკენ, მოტივაცია, სამართლიანობა, ურთიერთპატივისცემა, რაც საბოლოოდ ხელს უწყობს ქვეყნების დაახლოებას. მინდა გითხრათ, რომ ის, რომ თბილისი ოლიმპიადის პერიოდში იქცევა სპორტის ევროპულ დედაქალაქად და თავს მოუყრის ევროპის 50 ოლიმპიურ კომიტეტს, რასაც დიდი მნიშვნელობა აქვს არა მარტო ჩვენი ქვეყნისთვის და ჩვენი რეგიონისთვის. მინდა დაგარწმუნოთ, რომ საქართველოს დედაქალაქი მზად არის ისე უმასპინძლოს ფესტივალს, როგორც ჩვენ ქვეყანას ეკადრება. მთავრობა, თბილისის მერია და ,,თბილისი-2015"-ის საორგანიზაციო კომიტეტი ძალისხმევას არ იშურებენ, რათა ყველა პირობა შევუქმნათ და ღირსეულად მივიღოთ ჩვენი სტუმრები - სპორტსმენები, ოლიმპიური კომიტეტების წევრები, გულშემატკივრები. დარწმუნებული ვარ, ეს ფესტივალი წარმატებით ჩატარდება და საქართველო გაამართლებს იმ დიდ ნდობას, რომელიც ჩვენ გამოგვიცხადა ევროპის ოლიმპიურმა კომიტეტმა", - განაცხადა პრემიერ-მინისტრმა.