ზვიად ქორიძე: საქართველოს პრეზიდენტმა 152 მსჯავრდებული შეიწყალა
საქართველოს პრეზიდენტმა 152 მსჯავრდებული შეიწყალა. ამის შესახებ შეწყალების კომისიის თავმჯდომარე ზვიად ქორიძემ განაცხადა.
103 მსჯავრდებული საპატიმროს დღესვე დატოვებს, ხოლო 49 პატიმარს სასჯელი შეუმცირდება.
"152 მსჯავრდებულიდან 14 ქალბატონია, 8 - არასრულწლოვანი. მათი უმეტესობა ძირითადად ნარკოდანაშაულისთვის იხდიან სასჯელს",- განაცხადა ქორიძემ.
შეწყალების კომისიის სხდომა 28-29 სექტემბერს გაიმართა, სადაც 910 მსჯავრდებულის საქმე იქნა განხილული.
