Iverioni
«    აგვისტო 2018    »
 12345
6789101112
13141516171819
20212223242526
2728293031 
აგვისტო 2018 (10)
ივლისი 2018 (12)
ივნისი 2018 (12)
მაისი 2018 (9)
აპრილი 2018 (16)
მარტი 2018 (14)
25-01-2016, 10:53
ნანახია: 808

ბაშარ ასადის არმიამ მეამბოხეები რაბიადანაც გააძევა

,,ბიბისი“ სირიის სახელმწიფო მედიის ინფორმაციაზე დაყრდნობით იტყობინება, რომ სირიის არმიამ ლატაკიას პროვინციაში, სტრატეგიულად მნიშვნელოვან 2 დასახლებაზე კონტროლი აღადგინა. საუბარია ქალაქ არ–რაბიაზე და დასახლება არ–რაუდაზე.

 

ადგილზე მომუშავე დამკვირვებლების განცხადებით, შეტევა არ–რაბიაზე სირიის სამთავრობო ძალებმა რუსეთის ავიაციის მხარდაჭერით დაიწყეს.

 

მათივე ცნობით, ოპერაციას პირადად რუსი ოფიცრები ხელმძღვანელობდნენ. უფლებადამცველთა ინფორმაციით, რაბიაზე კონტროლის დამყარენით, სირიის არმია შეძლებს აღადგინოს კონტროლი მარშუტზე, რომელიც მეამბოხეებს თურქეთის საზღვრებთან აკავშირებს. სირიის მედია აცხადებს, რომ ეს არის ასადის კიდევ ერთი წარმატებული სამხედრო ოპერაცია, მას შემდეგ, რაც რუსეთის ფედერაცია სირიის კონფლიქტში ჩაერთო.

 

ცნობისთვის, მოსკოვში დღესაც კატეგორიულად უარყოფენ დასავლეთში გამოთქმულ ბრალდებებს, რომლის თანახმადაც, რუსეთის ავიაცია ასადის რეჟიმის მხარდაჭერის მიზნით სირიელი მეამბოხეების პოზიციებს ბომბავს.

 

რუსეთში ირწმუნებიან, რომ ავიაცია სირიაში მხოლოდ ისლამურ სახელმწიფოს ებრძვის.