Iverioni
«    ოქტომბერი 2020    »
 1234
567891011
12131415161718
19202122232425
262728293031 
ოქტომბერი 2020 (5)
სექტემბერი 2020 (6)
აგვისტო 2020 (2)
ივლისი 2020 (6)
ივნისი 2020 (12)
მაისი 2020 (13)
24-04-2014, 17:16
ნანახია: 959

ქართველი მებრძოლების ბარათები ავღანეთიდან

   საქართველოს განათლებისა და მეცნიერების სამინისტროს, იუსტიციის სამინისტროსა და თავდაცვის სამინისტროს ერთობლივი პროექტის "წერილი ჯარისკაცებს" ფარგლებში, რამდენიმე თვის წინ, საქართველოს 75 საჯარო სკოლის IV-V კლასის მოსწავლეებმა ავღანეთში მიმდინარე "ISAF" -ის ოპერაციაში მონაწილე ჯარისკაცებს მხარდაჭერის 700-ამდე წერილი გაუგზავნეს.

   ქართველმა ჯარისკაცებმა ბარათების ნაწილს უკვე უპასუხეს. დღეს, საქართველოს განათლებისა და მეცნიერების იუსტიციისა და თავდაცვის მინისტრების მოადგილეები თბილისის 87-ე საჯარო სკოლას ეწვივნენ და IV-V კლასის მოსწავლეებს ავღანეთში მყოფი ქართველი ჯარისკაცების წერილები გადასცეს. ღონისძიების მონაწილეებმა ავღანეთში გადაღებული ვიდეოკადრებიც ნახეს, სადაც ქართველი ჯარისკაცები ბავშვების წერილების გაცნობისას მიღებულ ემოციებს ვერ ფარავენ. 

    პროექტის - "წერილი ჯარისკაცებს" მიზანია სამშობლოდან შორს მყოფი მებრძოლების მხარდაჭერა და მოზარდებში მოქალაქეობრივი პასუხისმგებლობის გაძლიერება.

   ღონისძიების დასასრულს, სტუმრებმა მოსწავლეებს კიდევ ერთი, ახალი პროექტის - "ჩვენი ჯარისკაცების" დაწყების შესახებ ინფორმაცია გააცნეს. პროექტის ფარგლებში მოსწავლეები თემატურ ესეებს შექმნიან. გამარჯვებული მოსწავლეები კი, თავდაცვის სამინისტრო ოფიცრის საათებით დააჯილდოვდებიან. პროექტში - "ჩვენი ჯარისკაცები" გამარჯვებულები 26 მაისს გამოვლინდებიან.