პარლამენტი 2015 წლის სახელმწიფო ბიუჯეტის პროექტს დაამტკიცებს
ქვეყნის მთავარი საფინანსო დოკუმენტი დღევანდელ პლენარულ სხდომაზე განიხილება, რის შემდეგაც იგი კენჭისყრაზე გავა.
დეპუტატებს ბიუჯეტის პროექტს ფინანსთა მინისტრი ნოდარ ხადური წარუდგენს.
დოკუმენტის მიხედვით, ბიუჯეტის შემოსულობები 9 მილიარდ 875 მილიონი ლარია; გადასახდელები - 9 მილიარდ 575 მილიონი ლარი, მშპ-ს რეალური ზრდის პროგნოზი 5 პროცენტია, ხოლო ეკონომიკის რეალური ზრდის პროგნოზი 5,5 პროცენტი.
პროექტით თანახმად, ბიუჯეტის შემოსავლების საპროგნოზო მაჩვენებელი - 8 090.0 მლნ ლარითაა განსაზღვრული, გრანტების საპროგნოზო მაჩვენებელი 215 მლნ ლარით, ხოლო საინვესტიციო გრანტები 100 მლნ ლარი.
ამასთან, ბიუჯეტის პროექტში გათვალისწინებულია, რომ მომავალი წლის 1-ელი სექტემბრიდან, პენსია 10 ლარით გაიზრდება.
