ფოთის პორტი შეფერხებით მუშაობს

 ფოთის პორტი შეფერხებით მუშაობს და გემების შესვლა ამ დროისთვის შეჩერებულია. საქართველოს სხვა ქალაქების მსგავსად, ფოთშიც უამინდობაა. სინოპტიკოსების ინფორმაციით, ზღვის ღელვა 4-5 ბალი იქნება.

 "ეი-პი-ემ ტერმინალს ფოთის" ადმინისტრაცია ოფიციალურ კომენტარს არ აკეთებს. როგორც ადმინისტრაციაში აცხადებენ, ზამთრის პერიოდში ეს ჩვეულებრივი მოვლენაა და საგანგაშო არაფერია.

 სინოპტიკოსები გამოდარებას 12 იანვრიდან ვარაუდობენ.