გედევან ფოფხაძე:შორს ვარ იმ აზრისგან, ვამტკიცო, რომ დადებითი ემოციები მაქვს "ნაციონალური მოძრაობის" მიმართ!
საპარლამენტო უმრავლესობის წევრი, გედევან ფოფხაძე ზუგდიდში მომხდარ ინციდენტს გამოეხმაურა და აღნიშნა,რომ "ჩვენ უნდა შევძლოთ, თუნდაც კონტრაქციისა და საპირისპირო პოზიციის ისეთი ფორმით გამოხატვა".
"შორს ვარ იმ აზრისგან, ვამტკიცო, რომ დადებითი ემოციები მაქვს "ნაციონალური მოძრაობის" მიმართ, მაგრამ ჩვენ უნდა შევძლოთ, თუნდაც კონტრაქციისა და საპირისპირო პოზიციის ისეთი ფორმით გამოხატვა, რომელიც ჩაეტევა როგორც კანონის ფარგლებში, ასევე ელემენტარული ეთიკის ნორმებში, რომელიც მოგვცემს საშუალებას სამართლებრივი სახელმწიფო ავაშენოთ", - განაცხადა ფოფხაძემ.
შეგახსენებთ, ზუგდიდში მომხდარი ინციდენტების შედეგად ცხრა ადამიანი დაშავდა. დაპირისპირება "ნაციონალური მოძრაობისა" და თავისუფლებისა და მხარდაჭერის ცენტრის" ოფისებთან მოხდა. ხელკეტებით შეიარაღებულმა ადამიანებმა ჩაამსხვრიეს მინები და ოფისებში შეიჭრნენ.
