საოკუპაციო ზოლთან მცხოვრებ სტუდენტებს შესაძლოა სწავლა დაუფინანსდეთ
საოკუპაციო ხაზთან მცხოვრები სტუდენტებისთვის განათლების სამინისტრო მილიონ ლარზე მეტს ითხოვს. განათლების სამინისტროს ახალ ინიციატივაზე თამარ სანიკიძემ ჟუნრალისტებთან ისაუბრა.
სანიკიძის განცხადებით, სამინისტრო გამოდის ინიციატივით, რომ გასული წლის მსგავსად იმ სტუდენტებისთვის, რომლებიც სწავლობენ აკრედიტირებულ და ავტორიზირებულ მიმართულებებზე და ცხოვრობენ საოკუპაციო ზოლთან სწავლის გადასახადი მთავრობამ დაუფაროს.
ამ შემთხვევაში როგორც მინისტრი აცხადებს საუბარია 552 სტუდენტზე, მათი სწავლის საფასური კი მილიონ ოთხასი ათას ლარს შეადგენს.
