გიორგი უდესიანი მის მიმართ არსებულ ბრალდებებს "სიბინძურეს" უწოდებს
გიორგი უდესიანი ბიზნესმენ ბესიკ ხარძიანის მკვლელობაზე პირველ კომენტარს რუსთავი2-თან აკეთებს და მის მიმართ არსებულ ბრალდებებს "სიბინძურეს" უწოდებს.
უდესიანს სამართლიანი გამოძიების იმედი აქვს.
"ასეთ სიბინძურეს რომ დაუდასტურებლად ადამიანს დააბრალებ, ამაზე სიბინძურე რა უნდა იყოს. არსებობენ სამართალდამცავი ორგანოები, ძალოვანი უწყებები, რომლებიც, იმედი მაქვს, რომ ძალიან სწრაფად გამოიძიებენ ამ საქმეს," - აცხადებს გიორგი უდესიანი.
დღეს მოკლული ბიზნესმენის ბესიკ ხარძიანის ახლობლები და ოჯახის წევრები მკვლელობას უდესიანს უკავშირებენ.
