ზვიად კვაჭანტირაძე: ბიძინა ივანიშვილი არჩევნებში მონაწილეობას არ აპირებს!
“საქართველოს ყოფილი პრემიერ-მინისტრი ბიძინა ივანიშვილი არჩევნებში მონაწილეობას არ აპირებს, თუმცა „ქართული ოცნების“ საარჩევნო კამპანიაში ახალი წლიდან ჩაერთვება”- აღნიშნული განცხადება, უმრავლესობის ლიდერმა, ზვიად კვაჭანტირაძემ უმრავლესობისა და პოლიტ საბჭოს გაერთიანებული სხდომის დასრულების შემდეგ გააკეთა.
„ბატონი ბიძინა, როგორც შეგვპირდა, იქნება განსაკუთრებით ახალი წლიდან ძალიან აქტიურად ჩაბმული ჩვენს ღონისძიებებში,“ - განაცხადა ზვიად კვაჭანტირაძემ.
როგორც უმრავლესობის წევრები აცხადებენ, სხდომაზე, რომელსაც ყოფილი პრემიერ-მინისტრიც ესწრებოდა, სააერჩევნო სიებზე არ უმსჯელიათ, თუმცა საბოლოო გადაწყვეტილება, სავარაუდოდ, იანვრის ბოლოს გახდება ცნობილი. მაჟორიტარი კანდიდატების ვინაობა კი გაზაფხულისთვის გაირკვევა.
მათივე განცხადებით, ივანიშვილმა უმრავლესობას რეკომენდაციები საარჩევნო ოლქების საზღვრებთან დაკავშირებით მისცა.
