ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

"რესპუბლიკური პარტია" მოსახლეობასთან შეხვედრების ციკლს, სახელწოდებით, “ღია საუბარი რესპუბლიკელებთან” იწყებს

"რესპუბლიკური პარტია" მოსახლეობასთან შეხვედრების ციკლს, სახელწოდებით, “ღია საუბარი რესპუბლიკელებთან” იწყებს

29 იანვარს, 14 საათზე, ქალაქ თელავში, სასტუმროში „ალაზნის ველი“ , "რესპუბლიკური პარტია" საკუთარ მხარდამჭერებს და მოსახლეობას შეხვდება.

 

როგორც პარტიაში აცხადებენ, პარტია იწყებს შეხვედრების ციკლს, სახელწოდებით, “ღია საუბარი რესპუბლიკელებთან”, რომლის ფარგლებშიც, ასეთი ღონისძიებები საქართველოს ყველა რეგიონში ჩატარდება.

 

შეხვედრას დაესწრება პარტიის თავმჯდომარე, ხათუნა სამნიძე. სიტყვით გამოვა საგარეჯოს მაჟორიტარი, თამარ ხიდაშელი და მასთან ერთად რესპუბლიკური პარტიის კახეთის რაიონული ორგანიზაციების ხელმძღვანელები: ზვიად ყვირალაშვილი და ზაქრო ქინქლაძე.

 

“გვინდა, რომ რაც შეიძლება მეტი საჯარო შეხვედრა ჩავატაროთ რეგიონებში. ერთია, რაზე ვესაუბრებით მოსახლეობას ტელეეთერებიდან, მაგრამ უშუალო კონტაქტს და კომუნიკაციას ადგილებზე ძალიან დიდი მნიშვნელობა აქვს”, -აცხადებს ხათუნა სამნიძე.

 

პარტიაში აცხადებენ, რომ პროექტის მიზანია, ადგილობრივ დონეზე მოსახლეობის მაქსიმალურად ინფორმირება და მათთან ერთად რეგიონში არსებული ყველა მნიშვნელოვანი საკითხის განხილვა. ხალხი და თვითმმართველობა, ეკონომიკური და სოციალური საკითხები, განათლება და ახალგაზრდობა, ეს ის თემებია, რომლებსაც რესპუბლიკური პარტიის ლიდერები, ადგილობრივი ორგანიზაციების წარმომადგენლები მოსახლეობასთან ერთად განიხილავენ, გაიმართება დისკუსია.

 

გააზიარე სტატია

საიტის კომენტარები (0)

Facebook კომენტარები: