პატრიარქი საქართველოში დაბრუნდა და მრევლი დალოცა

გუშინ ჩეხეთიდან სამშობლოში დაბრუნდა სრულიად საქართვწელოს კათოლიკოს-პატრიარქი, უწმინდესი და უნეტარესი ილია მეორე.

 პატრიარქი აეროპორტიდანვე სამების ტაძარში მივიდა და იქ შეკრებილი მრევლი დალოცა. უწმინდესმა მათ მცირე ქადაგებითაც მიმართა.

როგორც პატრიარქმა აღნიშნა, ღვთის მადლითა და მრევლის ლოცვა-კურთხევით საქართველოში მშვიდობიანად დაბრუნდა. "უცხოეთში ცოტა დიდი ხნით გამიგრძელდა ყოფნა, მაგრამ თქვენ მუდამ ჩემთან იყავით", - ბრძანა უწმინდესმა.

პატრიარქს აეროპორტში სასულიერო პირები და მრევლი გალობით შეხვდა. 

შეგახსენებთ, რომ ილია მეორე ჩეხეთში 14 ნოემბერს სარეაბილიტაციო კურსის ჩასატარებლად გაემგზავრა.