ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

ზვიად კორძაძე: ირაკლი ოქრუაშვილის საქმე კვლავ პოლიტიკურ ელფერს იძენს

ზვიად კორძაძე: ირაკლი ოქრუაშვილის საქმე კვლავ პოლიტიკურ ელფერს იძენს

საქართველოს პარლამენტის მიერ პოლიტპატიმართა კანონპროექტის განხილვის პროცესში გაირკვა, რომ პოლიტპატიმართა სიაში ირაკლი ოქრუაშვილს აღარ შეიყვანენ. ამ ფაქტთან დაკავშირებით "ქართული პარტია" ზვიად კორძაძის განცხადებას ავრცელებს, რომელსაც „ივერიონი“ უცვლელად გთავაზობთ:

"გვინდა ხაზგასმით აღვნიშნოთ, რომ ირაკლი ოქრუაშვილი არ აპირებდა და არ აპირებს აღნიშნული სიით სარგებლობას იმ მიზნით, რომ ამ გზით მოიხსნას სასჯელი, რომელიც მას შეფარდებული აქვს სასამრთლოს მიერ ან შეიძლება შეეფარდოს მომავალში. ამას ადასტურებს ის ფაქტიც, რომ ის დაბრუნდა საქართველოში, წარსდგა მართლმსაჯულების წინაშე და სამართლებრივი გზით დაიწყო თავისი უდანაშაულობის მტკიცება. ამასთანავე, გვინდა განვაცხადოთ, რომ ჩვენთვის გაურკვეველია ზემოთ აღნიშნული სიის ჩამოყალიბების კრიტერიუმები და ის გარემოება, თუ რატომ ცვლის საქართველოში ჩამოსვლა პირის პოლიტპატიმრის სტატუსს. კერძოდ, თუ ირაკლი ოქრუაშვილი ან სხვა პირები, რომლებიც პოლიტდევნილები არიან, არ ჩამოვიდოდნენ საქართველოში, შეიძლება მოხვედრილიყვნენ ამ სიაში, ხოლო თუ დაბრუნდებოდნენ, სიაში ვერ მოხვდებოდნენ. ირაკლი ოქრუაშვილი საქართველოში დაბრუნდა, რადგან ჩათვალა, რომ მის საქმეს მოეხსნა პოლიტიკური სარჩული და მხოლოდ სამართლებრივი კუთხით მოუწევდა თავისი სიმართლის დამტკიცება. ბოლოს დღეებში სიასთან დაკავშირებული მოვლენები მას აფიქრებინებს, რომ საქმე კვლავ იძენს პოლიტიკურ ელფერს, რაც ცუდი და სახიფათო პრეცენდენტია", _ აცხადებს კორძაძე.

გააზიარე სტატია

საიტის კომენტარები (0)

Facebook კომენტარები: